Pasig City – Hawak na ng Pasig City Police ang isang grade 10 student matapos mahulihan ng marijuana sa kanyang school bag.
Kinilala ang suspek na si John Arbie Echague alyas RB, 18-anyos grade 10 student at residente ng Barangay Maybunga, Pasig City.
Ayon sa security guard ng Rizal High School nakuha nya sa back pack ni Echague ang 10 piraso ng sealed transparent plastic sachet na naglalaman ng marijuana leaves habang kanyang iniinspeksyon ang bag ng suspek.
Dinala ang estudyante sa Rizal Medical Center para sa kaukulang medical examination habang ang mga nakumpiskang marijuana naman dito ay dinala sa EPD-Crime Laboratory Office.
Inihahanda na ang reklamong isasampa laban sa nasabing grade 10 student partikular ang paglabag sa RA 9165 o Comprehensive Dangerous Drugs Act of 2002.
