Hinamon ni Philippine National Police (PNP) Chief Police General Debold Sinas ang opisyal ng pulis na i-monitor ang kanilang body mass index (BMI).
Ayon kay PNP Spokesperson Ildebrandi Usana, hinihikayat ni Sinas ang kapulisan na mag-ehersisyo para lumakas ang kanilang pangangatawan.
Aniya, hindi mapo-promote ang mga police officials kung hindi sila magpapapayat.
“China-challenge niya na po ngayon yung ilan sa mga officers na halos nakasabayan niya yung time na siya ay mabigat-bigat pa na ngayon ay nauhan na niya magpapayat at sinabi niyang kapag hindi ka nagpapayat, hindi kita ipo-promote.. something like that.” ani Usana
Sa ngayon, 18 kilo na ang nabawas sa timbang ni Sinas dahil sa regular na pag-e-ehersiyo, pagkakaroon ng sapat na oras ng tulog at tamang pagkain.
