Human nga nasinati ang halapad nga pagbaha sa syudad, problema sa tubig na usab ang gi-atubang sa pipila ka mga naapektuhan sa paghapak ni Bayong Vinta. Ang maong problema nasinati sugod niadtong Disyembre 22, 2017 kun diin temporaryong gi-shut down sa Cagayan de Oro City Water District (COWD) ang operation sa Production Wells 7, 9 ug 30 sa Macasandig ug Production Wells 19 ug 24 sa Balulang. Lakip usab nga temporaryong gi-shut down ang operation sa Macasandig Booster Station tungod sa pagsaka sa water level sa maong area nga possible’ng maka-contaminate sa supply. Mao kini ang hinungdan sa halapad nga water service interruption sa City Proper, Nazareth, Macasandig, Camaman-an, Burgos, Consolacion, Lapasan, portions of Gusa, Puntod ug Macabalan.
Naghatag usab og dakong kaguol sa pipila ka mga apektadong residente human gipagawas sa COWD ang press release niini nga naghatag og dose (12) ka adlaw nga timeline para sa rehabilitation ug recovery works ayha makumpleto o mabalik sa normal ang agas sa tubig. Ang maong timeline naglakip na sa clean-up sa collector well, disinfection ug flushing sa upat (4) ka production wells nga na-submerged sa tubig baha.
Sa pagkakaron, aduna lamang pipila ka Public Faucets ang na-install sa COWD isip tubag sa panginahanglon sa mga apektadong residente. Extraction points sa maong Public Faucets mao ang mosunod nga area:
• Tomas Saco–15th • Pabayo-Dolores Sts. • Lapasan Brgy. Hall • Kauswagan H-way (across Savemore, beside McDonalds)
Aduna usab mga Water tank o bladder nga na-install sa mga mosunod nga area:
• Macasandig Brgy. Hall • Nazareth Brgy. Hall
