Gipaklaro karon ni NFA OIC Provincial Manager Elimar Regindin nga wala nagkulang ang suplay sa bugas dinhi sa atong probinsya sa Zamboanga Del Norte. Sukwahi kini sa unang migawas nga balita nga limitado na ang suplay sa bugas sa atong probinsya.
Kahinumduman namahayag man si NFA Spokesperson Rebecca Olarte nga duha nalang kaadlaw ang gidugayon sa NFA rice sa Pilipinas kini kung ang NFA lang ang magpakaon sa tibuok nasud. Matod pa ni Olarte nga kini ang unang higayon sulod napulo katuig ang milabay karon pa kini nahitabo nga miubos ang sa stocks sa NFA Rice.
Una na usab nga miubos ang suplay sa bugas sa Quezon City, Cotabato City, Baguio ug Benguet. Migawas usab ang balita nga ang Pangasinan ug Zamboanga del norte nag nihit na matod pa ang sulpay sa NFA.
Apan gipatin-aw kini karon ni Zamboanga del norte ni NFA OIC Provincial Manager Elimar Regindin, tinuod nga adunay pagnihit sa bugas sa NFA sa tibuok nasud sa Pilipinas pero dinhi sa atong probinsya sa Zamboanga del norte makapaigo pa base sa ilang inbentaryo nga adunay kapin kun kulang 22,000mil ka sako sa bugas nga anaa sa nagkadaiyang warehouse sa atong rehiyon nga sakto lang kini para sa atong panginahanglanon sa bugas*.*
Gipahibalo usab ni Regindin nga ang stock sa NFA rice dinhi sa atong probinsya para ayuda kini ilabina sa mga biktima sa kalamidad nga nahitabo dili palang dugay.
Sa pagkakaron adunay 3,000mil ka sako sa bugas sa NFA dinhi atong probinsya, hinuon walay angay kabalak-an kun ugaling magkulang man sa suplay, tungod kay andam matod pa nga mo tabang ang silingan NFA department sa kasikbit nga probinsya kay dili matod pa suluhon sa NFA ang ilang mga stock sa bugas ilabi na kun adunay mga probinsya nga nanginhanglan saysay pa ni Zamboanga del norte ni NFA OIC Provincial Manager Elimar Regindin.
