Davao City – Gipanawagan sa Davao City Council ang tanang partisipante sa 2026 Araw ng Davao Civic Parade nga maglakaw na lamang ug likayan ang paggamit og mga sakyanan.
Ang maong resolusyon giaprobahan atol sa 21st City Council session nga giduso ni Atty. Melchor B. Quitain Jr., ang chairman sa Committee on City-Owned Real Properties.
Sumala sa konseho, ang panawagan naglakip sa tanang sektor, publiko ug pribado, nga dili mogamit og mga sakyanang ginagamitan og gasolina, diesel, lana, ug bisan electric vehicles atol sa parada karong Marso 28.
Gipasabot sa mga opisyal nga tumong niini ang pagtipig sa suplay sa krudo samtang nagpadayon ang pagsaka sa presyo tungod sa tensyon sa Middle East. Ang civic parade maoy usa sa mga highlight sa Araw ng Davao nga ginadumalahan sa daghang grupo matag tuig.
RadyoMaN Kareen Beltran
Facebook Comments
