Davao City – Magpahigayon og orientation ang Office of the Civil Defense (OCD)-XI karong Dominggo, June 23, 2019 sa mga residente sa Brgy. Mintal ug Bago Oshiro ning syudad ayha ang ipahigayong “Walk the Fault” karong Lunes, June 24, 2019.
Sa pakighinabi sa DXDC RMN Davao kang Marvin Samson, Civil Defense Officer III sa OCD-XI, gibutyag niini nga mas maayong ma-edukar ang mga residente sa lugar aron aduna kini kasayuran sa himuong ‘Walk the Fault’ activity.
“Sa 23, sa Sunday, before sa Walk the Fault, mag conduct mi og orientation sa mga lumulumpyo didto sa barangay kung unsay buhaton nila during the Walk the Fault,” saysay ni Samson.
Pangunahan mismo ang Walk the Fault sa Lunes ni Dr. Renato U. Solidum, Jr., Undersecretary for Disaster Risk Reduction and Climate Change, DOST ug Officer-In-Charge sa PHIVOLCS.
Nasayran nga tutukan sa maong aktibidad ang Brgy. Bago Oshiro nga nagbaton sa Lacson Fault line ug ang Brgy. Mintal nga nagbaton sa Dacudao fault line.
RadyoMaN Kirby Manzon
