Davao City – Hugot nga nakatutok karon ang Department of Health (DOH-XI) ug City Health Office (CHO) pinaagi sa Epidemiology Surveillance Unit ngadto sa usa ka gikonsiderang ‘Person under Investigation’(PUI) samtang pito ka mga tawong gi-classify nga ‘Person under Monitoring’ (PUM) gumikan sa 2019-nCoV.
Base sa datos sa CHO, lima niini mga Chinese nationals mientras ang tulo pulos mga Pinay.
Gitataw karon ni Acting City Health Officer Dr. Gene Gulanes nga nagpabiling ‘2019 nCoV-free’ ang syudad sa Davao.
Matud ni Gulanes, gihulat nila karon ang resulta sa laboratory test sa usaka PUI nga usa ka 37 anyos nga Chinese national.
Samtang ang laing pito padayon gihapong gina-monitor bisan pa man nga wala na kini silay simptomas nga ubo, sip-on ug kalintura.
Kagahapong adlawa, gikumpirma sa DOH nga usa ka 38 anyos nga babaeng Chinese national ang nag-positibo ning makalilisang nga virus.
RadyoMaN Aimee Guinita
