Davao City – Nakasakmit og walo ka mga gituohang tanum sa marijuana nga nakasulod sa plastic bag ang awtoridad alas-10:20 Marso 31 sa buntag sa usa ka umahan nahimutang sa Sitio Mainit, Brgy. Kapatagan, Digos City.
Kini subay sa nadawat nga report sa Digos City Police Office diin matud pa nagatanum og marijuana ang usa Giovannie Dulay, alyas Ban-ban.
Atol sa paglusad sa maong operasyon, wala naabtan ang maong suspetsado sa ilang panimalay gani didto nakita ang maong mga gidudahang tanum sa marijuana nga gitapokan sa mga tanum sa carrots ug patatas gani gi-ibot kini sa Drug Enforcement Team.
Sumala ni Police Regional Office 11 (PRO-XI) Pol. Brig. Gen. Marcelo Morales, maglusad sila og follow up operation alang sa pagkasikop sa suspetsado.
“We will conduct follow-up operation against the suspect since we have already identified him. We will file a case against him. We give due credit to the concerned citizens who reported the information,” segun niini.
Samtang gi-endorso ang mga gituohang tanum sa marijuana ngadto sa Davao Sur-Provincial Crime Laboratory Office (DS-PCLO) aron ma-eksaminar.
RadyoMaN Jason Amisola
