Walo Ka Lungsod Sa Zamboanga Del Sur Nakadawat Ug Ayuda Gikan Dole

17

Mokabat sa 8.6 milyones ka pesos ang bili sa napulo’g duha ka mga livelihood ug bottom-up-budgeting (BUB) projects ang gitugyan kagahapon, sa Department of Labor and Employment (DOLE) ngadto sa local government units (LGUs) ug national government agency.PAGADIAN – Gipangunayan pagtunol ni DOLE 9 regional director Sisinio Cano ang napulo’g duha ka mga tseke ngadto sa local chief executives sa lungsod sa Dinas, Guipos, Lakewood, Margosatubig, Molave, San Pablo, Tabina ug Tigbao sa usa ka yano nga seremonya nga gipahigayon kagahapon sa hapon sa buhatan sa DOLE ning dakbayan.Gipasalamatan ni Director Cano ang ilang mga partners gikan sa mga nagkalain-laing lungsod sa Zamboanga del Sur kinsa nakapahimulos sa maong livelihood intervention gikan sa maong departamento.Gikalipay usab ni Cano ang commitment nga gipaambit sa mga mayor nga nagsaad nga matinud-anon nga ilang idapat ang salapi nga ilang nadawat diha sa pagpatuman sa mga proyekto.Sa interview sa gipaneguro ni Cano nga ang DOLE padayon nga mangita ug resources aron nga ang nasangpit nga ahensya ug LGUs magtinabangay aron mapalambo ang kapanginabuhain sa mga kabus nga katawhan sanglit dili nila mahimo ang mga proyekto kon walay pagtinabangay uban sa ilang mga stakeholders ilabi na ang LGUs.

Facebook Comments