Davao City – Napasakahan na og kaso sa kapolisan sa San Pedro ang walo ka mga indibidwal nga nagpa last two atol sa gilusad nga anti-illegal gambling operation sa kapulisan.
Muatubang og kasong kalapasan sa RA 9287 kun Illegal gambling human naaktuhan ug nadakpan sa kapolisan nga nag solicit og last two ug narekober ang bet money nga gipangpatad nga mukantidad og 1,855.00 pesos lakip na ang mga illegal gambling paraphernalia diha sa may dalang Garcia Heights ning dakbayan sa Davao.
Ang dinakpan mao sila si Peter Habagat 38 anyos, Jesus Capasas Jr ,Joel Barao 59 anyos, Junel Garces, 24 anyos, Raymund Villanueva, 54 anyos, Rodrigo Sulamillo, 66 anyos, Rosalyn Requiroso, 35 anyos ug Shirly Garces, 54 anyos parehong nagpuyo sa Purok 4 Barangay 19-B ning siyudad.
Ang walo ka mga dinakpan balhug na San Pedro PNP.
RadyoMaN Don Pulayao
