Davao City- Gipasidunggan ang walo ka mga pulis sa Sta. Ana PNP human nakadawat og Letter of Commendation atol sa gihimong flag ceremony kaganinang alas 8 sa buntag nga gipahigayon sa Davao City Police Office (DCPO).
Ang maong mga pulis mao sila Police Chief Inspector Nolan Raquid, station commander sa Sta. Ana, PO1 Robreco Alfredo, Jonathan Cadenas, PO3 Jayson Ladroma, PO3 Albar Masher Basirul, PO2 Earl Llavore, PO2 Bryan Ronnie Torreon ug PO1 Glen Mark Protacio.
Kahinumduman nga nakakumpiska sila og bet money sa kantidad nga 51,050 pesos human gilusad ang anti-illegal gambling operation sa Iñigo St., Brgy. Tomas Monteverde ning dakbayan gikan sa mga dinakpan nga nagpataya og last two.
Padayong nanawagan si DCPO Director Police Senior Supt. Alexander Tagum ngadto sa mga dabawenyo nga tabangan ang kapulisan pinaagi sa paghatag og impormasyon kanila aron hingpit ng masugpo ang tanang matang sa iligal nga sugal dinhi sa syudad.
RadyoMaN Don Pulayao
