Missamis Occidental – Samaran ang walo ka sundalo dihang gikasangka sa sa tropa sa gobyerno ang rebeldeng New People’s Army (NPA) sa Missamis Occidental.
Nahitabo ang gubat sa Brgy. Napangan ug Nueva Vista sa lungsod sa Don Victoriano.
Sa taho nga nahipos sa RMN DXPR Pagadian nahitabo ang engkwentro niadtong adlaw nga miyerkules dihang gipaulanan og bala sa tropa rebeldeng NPA ang kampo sa Civilian Armed Forces Geographical Units (CAFGUs).
Rason nga diha-diha naglusad og combat patrol ang mga sundalo sa lugar dihang nadawat ang impormasyo apan nagpabusikad og usa ka improvised explosive device ang mga rebelde nga nga maoy hinungdan sa pagsamad sa mga sundalo.
Nagpadayon ang pursuit operation sa militar militar batok sa mga rebelde.
Samtang kapin 100 ka indibidwal ang kasamtangan karon nga anaa sa evacuation center human nibakwit gumikan sa kabalaka nga mapagan sa kagubot, diin giatiman karon sa lokal nga kagamhanan sa Don Victoriano.
