Patay na sang masapwan ang walo ka tuig nga bata sa banwa sang banate nga may higot nga binder sa iya liog nga nahigot sa handle sang aparador.
Ginpahayag nga ginbilin nga nagaisahanon sa ila balay ang bata bangud may ginkadtuan sa Culasi, Ajuy ang iya mga ginikanan.
Ginapatihan nga naghampang ini sang binder nga ginbalimbod sa iya liog kag ginhigot sa handle sang aparador.
Apang naghugot ang binder kag indi na sini makuha kabangdanan nga nakuga ang nasambit nga bata tubtub nga indi na ini makaghinhawa.
Alas 3 na kahapon sang hapon sang makuha ang bata sang mag-abot ang iya ginikanan kag gindala sa ospital apang wala na matabangan.
Facebook Comments
