Dipolog City-Human naka dawat ug taho ang kapulisan sa Liloy nga matod pa adunay usa ka wanted didto sa Brgy. Baybay, lungsod sa Liloy nga nasiplatan dali nga miresponde ang mga pulis sa pagpanguna ni PCAPT Gregorio Joel C. Bungulan
Didto malampuson nga naaresto si John Mark Cuaton 23, anyos, usa ka JO sa munisipyo sa Liloy
Human kini gisilbihan ug warrant sa kasong R.A 7610 (CHILD ABUSE) penetsahan ug Mayo 31 2019.
Adunay pyansa nga mo abot sa 200mil bugti sa iyang temporaryong kagawasan.
Sikop usab ang top 9 MWP niadtong miaging adlaw sa gihimong hini-usang operasyon sa kapulisan sa Rizal ug Dapitan city.
Usa ka informant ang naka tibre sa mga pulis nga si Chad Louie Alfanta Abella, 18, taga P-3, Balaoro, Kadingilan, Bukidnon, malampuson kini nasikop didto sa may Brgy. San Pedro, Dapitan City.
Unom ka ihap sa kasong child abuse ang giatubang ni Abella, ug anaa na kini karon nag tingkagol sa locked-up cell sa lungsod sa Rizal alang sa pormal nga pag atubang kaso.
Human nga gisilbi ang warrant ngadto kang Jaripal Ahil ug Basiran Mudja didto sa Sitio Abuno, Brgy Mucas, Salug ZN, Misulay pa unta kini ug ikyas sa dihang naka matikod nga anaa ang mga pulis nagpadulong pero wala kini nagmalampuson.
Maayong pagkalaang sa mao nga wanted, sa dihang gisikop kini lain pang usa ka indibidwal ang nakit-an nga nag bitbit kini sa armas nga armalite, giapil kini ug sikop nga nailang si Nasser Taupan Ahil, pulos kini sila taga brgy, Mucas, Salug, ZDN.
Ang armas nga nakuha ug ang mga dinakpan, anaa na gikustudiya sa salug MPS.
