Nasikop na karon ang duha ka wanted human gisilbihan ug warrant sa kapulisan sa Polanco didto sa barangay San Antonio.
Ang dinakpan mao sila si Jullius Caidet ug Deodesil Pollescas, pulos kini sila residente sa mao nga lugar.
Niadtong adlawng myerkules Enero 29, 2020 nalutsan kini ug warrant tungod sa kasong pagpangawat ug pakyas nga pagpatay.
Sa kasong pagpangawat gitagaan sila ug higayon nga maka pyansa sa kantidad nga 30 matag usa samtang sa frustrated murder, tag 200mil matag usa kanila.
Sa karon, ang duha ka mga dinakpan, gawasnon na human naka pyansa sa gikalatid nga balor sa korte.
Samtang tingkagol pa gihapon karon sa prisohan si Johnny Guilan, usa ka mangingisda, taga brgy. San Pedro, Polanco, human kini nadakpan sa pagpangulo ni Police Chief Master Sergeant Simeon C Wapelle Jr uban sa Ramon Magsaysay PNP sa pagpanguna ni PCPT JULIETO DELA CRUZ.
Kini si Johnny adunay kasong giatubang ilawom sa R.A 9262 kun VAWC nga gipasakaan ug kaso sa korte didto sa Br. 30, Aurora, Zamboanga del sur, niadtong Desyembre 20, 2019.
Pormal na karong giatubangsa dinakpan ang kaso batok kaniya.
