Roxas City, Capiz- Dakop sang mga kapulisan sa Capiz ang pila ka mga persona nga may yara sang ginapangatubang nga kaso sa korte.
Alas 10:40 sang gab-e sa Brgy. IV, Roxas City, dakop sang Roxas City Police Station ang wanted person nga si Eugene Martinez y Buenaventura alias “Kitbol”, 28-anyos sang Brgy. Dumolog, Roxas City bangod sa kaso nga theft.
Alas 12:30 sang hapon sang Hunyo 25, 2018 sa Brgy. Pob. Norte, Ivisan, Capiz, arestado si Rechie Flores Sontousidad alias “Kadong” nga ginakabig top- 9 wanted person (municipal level) bangud sa kaso nga frustrated murder.
Kapin naman sa P200,000.00 pesos ang piyansa nga gin-rekomendar sang hukaman para sa temporaryo sini nga kahilwayan.
Sa Brgy. Putian banwa sang Cuartero, natigayon nga matikma sang mga otoridad ang top-8 most wanted person nga si Geraldo Ramos y Gallaza, 62-anyos bangod sa kaso nga rape.
Alas 06:20 sang gab-e sa Brgy. Daga, Panay, Capiz, ginserbehan sang warrant of arrest sang Panay Municipal Police Station ang mga wanted person nga ginkilala kanday Alejandro Baselonia Jr. y Baradas alias “Ebok”,21-anyos sang Brgy. Linao, Panay kag Joed Distura y Billanes,29-anyos sang Brgy. Daga, Panay Capiz bangod sa kaso nga serious physical injuries.
Ang nasambitan nga mga persona ang subong yara na napreso sa nagkatuhay nga police station diri sa Capiz kag natalana nga iga-presentar sa hukmanan nga nagpapanaog sang tagsa nila ka warrant of arrest.
