Un wanted persona quien ta esconde na Tungawan, Zamboanga Sibugay ya sale arestao despues el maga pulis del Sangali Police Station ya anda na lugar para servi el tres warrant of arrest conele.
El jefe del Sangali Police Station si Chief Insp. Chester Natividad ya nombra con el wanted persona como si Delfin Tarroza y Alehandro, 43.
Con Tarroza ya aresta na barrio de Guilinan, Tungawan, banda alas 4:30 del tarde.
Si Tarroza tiene el pendiente warrant of arrest na caso de maga violaciones del acto republica 10591, rape y acto republica 8048.
Con Tarroza ya lleva na Sangali Police Station donde ya detene pendiente el transperida na City Jail.
Facebook Comments
