Tantangan, South, Cotabato – Malampuson nga nasikop ang wanted person sa munisipyo sa Tantangan probinsya sa South Cotabato human gi-served sa mga pulis sa maong lugar ang arrest warrant sa kasong attempted murder niaging buntag.
Sa gipagawas nga imbestigasyon sa Tantangan Municipal PNP, giila ang suspek sa nahisgutang krimen nga si Jebert Bayanggos, 26 anyos, minyo, mag-uuma, residente sa Brgy. Namnama, Koronadal City.
Sumala sa kapolisan, nahimong wanted sa sulay nga pagpatay ang nahisgutang suspek sukad niagawas ang warrant of arrest nilabayng Agosto 7, 2020.
Sa maong operasyon dala sa mga pulis ang kopya sa warrant pirmado ni Judge Gerardo Braganza sa RTC Branch 43 Koronadal City.
Nagrekomenda ang huwes og pyansa para sa kaso sa suspek moabot ngadto sa 120 mi pesos.
Gihulat sa mga pulis mopagawas og commitment order ang concerned court aron matugyan sa South Cotabato Provincial Jail ang suspek.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: sikop (2).jpg]
