Nakahunos napud ug laing kinabuhi ang giingong Top 2 Most wanted nga indibidwal didto sa Brgy. Nipaan sakop sa lungsod sa Sindangan ning probinsya.
Ang person of interest mao si Manuel Geromo Azucenas, 36 anyos, nagpuyo sa Brgy. Lugdungan, sakop ning dakbayan sa Dipolog kinsa mao ang gitudlo nga mipatay usab sa iyang silingan didto sa Lugdungan duha na ka tuig kapin ang milabay.
Si Manuel anaa kini tanggong nga warrant of arrest sa kasong murder penetsahan ug Enero 4, 2017, human sa iyang salaod nga nahimo misibat kini apan didto diay kini mitago sa Brgy. Goleo, Sindangan, Zamboanga del norte ug sa lugar nga iyang giadtoan nakapatay na usab kini siya human nga iyang nakalalis si Francis Otto samtang nag inom kini sila ug Tuba.
Patay diha-diha ang biktima human gihansakan ug kabilya ang dughan niini atol sa ilang pag inom-inom.
Niadtong higayuna wala na naka ikyas si Manuel Azucenas human kini nadakpan sa mga opisyales sa barangay sa Nipaan sa pagpanguna ni kapitana Estella Mariveles uban sa iyang mga barangay tanod didto mismo sa panimalay ni Toto Manubag sa brgy. Siare Sindangan.
