Dipolog City – Giaresto sa kapolisan sa Dipolog City Police Station, uban ang personahe sa CIDG og HPG-Zamboanga del Norte ang usa ka sekyu nga dunay pending nga kaso sa korte og nadakpan kagahapon mga alas 10:00 sa buntag.
Naila ang suspetsado nga si Leonardo Obille Ogoc, 59 anyos, minyo, usa ka Security Guard ug lumulupyo sa Purok Lanzones, Barangay Dicayas, ning siyudad sa Dipolog.
Kinsa adunay kasong may kalambigitan sa Sec (5i) Republic Act 9262 o Anti-Violence Against Women and their Children Act of 2004, sa sala ni Judge Rogelio D. Laquihon sa RTC, 9th Judicial Region, Branch 7, Dipolog City ug adunay piyansa nga (P72,000.00) alang sa temporary niini nga kagawasan.
Nasayran nga ang dinakapan nalambigit kini sa lain babaye hinongdan napasakaan siya og kaso.
Sa kasamtangan, ang dinakpan anaa pa sa mga kamot sa mga otoridad aron sa pag-atubang sa iyang kalapasan sa balaod.
