Dipolog City – Nadakpan sa kapolisan pinaagi sa warrant of arrest nga giluwatan sa korte ang usa ka pinangita sa balaod nga nag-atubang og kasong Grave treat in relation to RA 7610 diha nasapon sa may ZN, National High School Annex Barangay Turno ning dakbayan sa Dipolog pasado alas 11:00 kagabii.
Giila ni PO2 Ronald Wapelle sa Intelligence personel sa Dipolog City Police Station ang ilang dinakpan nga mao si Cardawe Macapanton, 39-anyos, minyo ug lumulupyo sa Barangay Poblacion lungsod sa Sibutad ning lalawigan sa Zanorte.
Matud ni PO2 Wapelle nga si presiding Judge Rogelio Laquihon sa Branch 7 sa Bulwagan ng Katarungan maoy nagluwat sa warrant of arrest batok kang Macapanton niatong bulan sa Septembre singko ning tuiga.
Unang gidala sa City Hospital ang dinakpan aron masusi ang kahimtang sa iyang panglawas ug kasamtangan kining gibalhog sa detention cell.
Gihatagan sab kini og kahigayonan nga makapiyansa alang sa temporaryo niining kagawasan.
