Davao City- Arestado ang usa ka wanted person atol sa gilusad nga Oplan Kalinaw sa San Pedro PNP sa pagpanguna ni police Chief Inspector Ramil Macarampat kauban ang uban pang law enforces.
Ang dinakpan giila nga si Nikee Santos, hingkod ang edad nga adunay kasong kalapasan sa Presidential Decree 1602 kun Illegal Gambling.
Gipahigayon ang maong operasyon alas 6 ang takna sa buntag sa Purok 12 Saint John, Bucana, Brgy76-A ning syudad ug nahuman alas 8:30 na sa buntag.
Dugang niini, 259 ka mga indibidwal ang gipailawum og profiling diin 221 niini ang adunay napresentang IDs samtang 38 ang walay IDs.
Gawas sa profiling, aduna usab free medical check-up diin 145 ka mga tawo ang nakabenepisyo ug nahatagan og libreng tambal.
RadyoMaN Don Pulayao
Facebook Comments
