Malampusong nasikop sa Police Station 4 pinaagi sa direktiba ni PMAJ ABOGADO P MAUTIN Jr. ingon man pinaagi sa Balamban Police Station Tracker Team pinaagi ni PMAJ CHRISTIAN B. TORRES, ang usa ka wanted person sa kasong robbery.
Maoy nasikop si CARLO ZOSA y BALABA, 44 anyos, minyo usa ka driver, kasamtangang nagpuyo sa Buanoy, Balamban, Cebu City ug kanhi residente sa 2nd East Rosario Heights Brgy. Tubod, ning dakbayan sa iligan.
Ang maong suspek adunay standing Warrant of Arrest nga gi issue ug gipirmahan ni Hon. ALI M. BALINDONG sa RTC Lanao Del Norte, Presiding Judge sa RTC Branch 1, 12th Judicial Region, pinitsahan ug Agusto 8, 2018.
Nasayran, nga human sa iyang pagkaaresto niadtong 2013 nakapyansa pa kini apan pakyas kini nga magpakita sa korte ug mibalhin didto sa Sugbu.
Dihang mi apply kini ug police clearance sa Balamban Police Station, nasayran nga aduna kini warrant, ug gilayong nakig kordinar ang Balamban PNP sa Police Station 4 ug didto na gidakop ang maong suspek,.
Sa karon, temporaryong gi detained sa police station 4 ang dinakpan samtang gi andam na ang kaso batok kaniya.
