Pagadian City – Prisohan ang gitugpahan sa usa ka 37 anyos nga lalaki nga pinangita sa balaod human kining nadakpan sa gilusad nga man hunt operation sa tropa sa kapulisan ning syudad didtong dapita sa Zone 9,Block 2,Lot 5, Phase 2 Lower,Alta Tiera Tiguma subdivision , ning syudad sa Pagadian.
Nadakpan ang target nga nailang si Elviro Marabulas Jr., 37 anyos residente sa nahisgutan nga lugar.
Armado ang kapulisan sa warrant of arrest batok sa suspek sa kasong paglapas sa Akta Republika 9262 o Anti-Violence Against Women and Their Children Act of 2004″.
Ang maong mandamiento de arresto gipirmahan ni Judge Cleto Villacorta III, sa Regional Trial Court, National Capital Region,Brnach 229, Quezon City.
Ang nasikop nga suspek gikustodiya sa PNP Pagadian samtang naghulat sa tukmang lakang.
