Tambulig, Zamboanga del Sur – Napatay sa manhunt operation ang usa ka wanted person human kini misukol sa kapulisan dihang gisilbi ang arrest warrant didto sa Purok 6, Barangay Kapalaran, Tambulig, Zamboanga del Sur kaniadtong nakalabayng hapon.
Giila ang napatay nga si Victor M. Perales, 32 anyos, ug residente sa Barangay Sapa Lobo, Aurora, Zamboanga Del Sur.
Si Perales ang adunay duha ka standing warrant of arrest alang sa kasong Murder ug Frustrated Murder nga gipagula sa Presiding Judge, RTC Branch 30, Aurora, Zamboanga del Sur kaniadtong Enero 03, 2020.
Atol sa operasyon nahitabo ang sinukliay sa bala tali sa suspect ug sa operating team nga miresulta sa hinanaling kamatayon sa suspek.
Narekober gikan sa suspek ang usa ka Cal. 45 pistola nga adunay magazine ug usa ka buhing bala ug ang laing duha ka magazine sa Cal 45 nga adunay 15 ka mga buhing bala.
Ang patayng lawas ang gidala na sa iyang pamilya ngadto sa lungsod sa Aurora.
