GENERAL SANTOS CITY- Gipaslak sa lock-up cell ang 55-anyos nga si Hermilindo Rabanes, minyo og self-employed na residente sa Habitat Phase B Barangay San Isidro human nag-atubang og kaso.
Nasayran nga gidakop ang nasangpit sa mismong panimalay niaging adlaw pinaagi sa mga sakop sa kapolisan sa San Isidro bitbit ang arrest warrant para sa kasong Swindling pirmado ni Judge Emilio Quiamzon sa Municipal Trial Court in Cities niaging Abril 19 2018.
Kahibaw-an nga wala gibayran sa nasangpit ang gipaayo niining bisekleta hinungdan gireklamo sa negosyante apan wala nahusay sa lupong tagapamayapa sa barangay og naendorso sa korte ang kaso.
Malinawong nikuyog si Rabanes sa kapolisan og gikatakdang mopyansa sa iyang kaso human nagmando ang korte og 2 mil pesos nga bail bond alang sa temporaryong kagawasan.
For more info’s and updates, like and share our official facebook account : www.facebook.com/ifm91.9Gensanofficial/
