Wanted person, patay human misukol sa kapolisan sa Misamis Oriental

Patay ang 30 anyos nga si Rolly Llagas Pilonan nga taga-Purok 2, Barangay Camuayan, Balingasag, Misamis Oriental human kini misukol sa kapolisan.

Nasayran nga adunay kasong malicious mischief ang suspek nga giilang usa ka wanted person.

Gikabutyag nga gisilbi lamang sa kapolisan ngadto sa suspek ang iyang warrant of arrest apan mibunlot matud pa kini sa iyang improvised shotgun hinungdang napugos sa pagsukol ang kapolisan sa Balingasag Municipal Police Station.

Tungod niini naigo sa tiyan ang suspek kinsa gidala pa sa kapolisan sa Balingasag Provincial Hospital apan gideklarar na kining dead on arrival sa mga doktor.