Pagadian City – Malampusong nadakpan sa kapulisan ning syudad ug sa Payao MPS ang usa ka wanted person kaniadtong nakalabayng gabie didto sa Purok Tejada, Brgy. Upper Sibatang, Pagadian City.
Ang dinakpan nailang si Diokno Sila Dalauyan, 54 anyos, minyo, usa ka mag-uuma, lumad nga taga Payao, Zamboanga Sibugay ug kasamtangang mipuyo sa PurokTejada, Brgy. Upper Sibatang, Pagadian City.
Gidakop si Dalauyan pinasikad sa gahum sa warrant of arrest alang sa kasong Murder, nga gipagawas sa Acting Presiding Judge, Regional Trial Court, Ninth Judicial Region, Branch 31, Imelda, Zamboanga Sibugay kaniadtong Mayo 31, 2017.
Walay pyansa nga girekomenda ang Korte bugti sa temporaryong kagawasan sa dinakpan.
Gikatakdang i turned-over ang dinakpan ngadto sa Zamboanga Sibugay Provincial Police Office – Intel Branch alang sa tukmang disposisyon.
