Davao City – Napasakahan na og kaso ang mga wanted persons ngadto sa City Prosecutors Office human kini napamatud-an nga tigpayuhot og iligal nga droga.
Usa niini mao si Peter Bation alyas Pedro, 47 anyos, nga taga San Antonio Agdao, gawas sa maong kaso pasakahan sab kini og kasong paglapas sa RA 10591 kon Illegal possession of firearms and ammunition.
Samtang napaylan na sab og kasong kalapasan sa section 6,11,12 ug section 15 sa article 2 sa RA 9165 human gi-file sa Philippine Drug Enforcement Agency 11 batok sa usa ka barangay kagawad nga taga Barangay New Visayas Panabo City nga mao si John Nardo, 36 anyos.
Kahinumdoman gisilbi ang search warrant sa mga law enforcement sa Panabo City ug nakuha sa dinakpan ang unom ka sachet nga gituohang shabu nga mutimbang sa 10 ka gramos ug gibanabanaang mukantidad og 120,000.00 pesos.
Matud pa kining naaresto nga kagawad usa sa top 10 sa regional ug provincial target list ug nahiapil sa listahan ni President Duterte.
Ang duruha balhug na sa prisohan.
RadyoMaN Don Pulayao
