Wanted persons sikop sa ‘LOI:Manhunt Charlie’

26

Davao City – Giaresto sa kapulisan ang mga wanted person sa Davao del Norte atol sa gilusad nga ‘LOI:Manhunt Charlie’ diin usa nga nasikop niini ang no.8 most wanted person sa municipal level.

Dinakpan mao si Dindo Benitez sa kasong carnapping ug slight physical injury diin gi-isyu ang warrant of arrest ni Hon. Judge Dax Gonzaga Xenos of RTC 11th Judicial Region Branch 34, Panabo City ug Hon Judge Dorothy P Montejo-Gonzaga sa RTC 11th Judicial Region Branch 4 sa Panabo City.

Giaresto si Benitez sa Dujali MPS niadtong Setyembre 12 alas-8:20 sa kagabhion.

Nasikop usab sa Sto. Tomas MPS sila si Alfredo Vista Alonzo, 48 anyos, minyo nga taga Purok 3 Barangay La Libertad, Sto. Tomas Davao del Norte sa kasong kalapasan sa R.A. 10591 ug Ninett Calalang Castel, 47 anyos, minyo nga taga Prk. 6A Fd. Road 2 Brgy. Tibal-og, Sto. Tomas, Davao del Norte sa kasong estafa nga adunay 38, 000.00 pesos bail bond alang sa iyang provisional liberty.

Samtang arestado usab sa sa New Corella MPS uban ang Maco MPS ang suspek nga si Jimmy Agay Calibaran, 40 anyos, panday nga taga Purok 4 Sitio Anaman, Barangay New Cortez, New Corella, Davao del Norte sa kasong two counts of rape sa iyang duha ka anak.

Mga dinakpan balhug na sa prisohan.

RadyoMaN Abi Bibera

Facebook Comments