Gitingkagol na sa prisohan ang wanted nga personalidad sa kasong Attempted Murder nga nadakpan atol sa operasyong gipahigayon sa mga kapulisan adtong milabayng Lunes didto sa Purok-1, Brgy. Simaya, Malaybalay City, Bukidnon.
Giila ang nadakpan nga si Lito Catabay, 46 anyos, minyo ug residente sa naasoy nga lugar ang kinsa gipasakaan sa Warrant of arrest sa kasong Attempted Murder nga adunay girekomendang piyansa nga mukabat sa P120K alang sa temporaryong kagawasan.
Gipasigarbo ug gipasalamatan ni PCOL Jun Mark J. Lagare, Police Provincial office Director ang mga kapulisan sa malampusong pagkasikop sa wanted nga personalidad ug sa kanunayng pagpakigbisog aron nga mapupo ang kriminalidad sa probinsya.
Gibalhog na sa Valencia City Police Station ang suspetsado alang sa tokmang disposasyon.
