Dali nga mitaho sa kapulisan sa Manukan ang *Barangay Intelligence Network* (BIN) sa maong lungsod nga kung diin ilang nakita ang usa ka pinangita sa balaod didto sa brgy. East. Pob., lungsod sa Manukan.
Human nga nadawat ang maong taho sa sakop sa BIN, ang operatiba sa intelligence sa maong MPS gikumpirma nga adunay arrest warrant ang nahisgutan nga indibidwal.
Gilayong nagpahigayon ug manhunt operation ang kapulisan sa Manukan sa pagpanguna ni PCI Vincent Magallanes Virtudazo ug didto malampuson nga naaresto si Gino Questorio Mindo alyas Ugeen, alyas Geno Mendo, 28 anyos, habal-habal driver nga taga Brgy. Pangandao, Manukan.
Si Gino nag atubang kini sa kasong Attempted Homicide ilawom sa CC no. 3256, may pyansa nga P12,000mil alang sa iyang temporaryong kagawasan.
