Polanco, ZN – Nasikop ang usa ka wanted sa kasong rape sa gihimong
joint manhunt operasyon sa kapolisan sa Purok Lomboy, Barangay
Letapan, lungsod sa Polanco, ning lalawigan sa Zamboanga del Norte,
bandang 2:30 ang takna sa niaging hapon.
Ang suspek giila sa kapolisan nga si Ronnie Supeter Salomon, 22 anyos,
ulitawo ug usa ka laborer, lumulupyo sa susamang dapit.
Gisikop si Ronnie pinasikad sa warrant of arrest sa kasong rape nga
may criminal case no. 22299 nga gipagula ni Hon. Rogelio D. Laquihon
ang Presiding Judge sa RTC Branch 7, Bulawagan ng Katarungan, Dipolog
City nga pinitsahan ug Pebrero 26, 2018.
Dunay P120.000 mil nga girekomendang pyansa ang korte sa kaso sa maong
suspek kansa balhog na sa silda sa Polanco Municipal Police Station.
