Pagadian City – Nasikop sa mga kapulisan ning syudad sa Pagadian og sa CIDG nga nagpahigayon ug law enforcement operation batok sa usa ka pinangita balaod didto sa may Purok Malunggay, Barangay Bogo, Pagadian City, Zamboanga Del Sur alas 12:30 sa hapon ang takna dili palang dugay. Milahos ang maong operasyon sa pagkasakuti sa nagngalan og Junjie Alvarez Antipolo, 20 anyos lalake mulupyo sa Purok Malunggay, Barangay Bogo, Pagadian City, Zamboanga Del Sur.
Naaresto siya pinaagi sa gahom sa warrant of arrest sa kasong pagpatay nga dinukitan ilalom sa criminal case number 15235-2k2O pinitsahan atong November 17, 2020 giissue ni Hon Felix B. Rodriguez, Jr., Presiding Judge, Regional Trial Court, Ninth Judicial Region, Branch 18, Pagadian City diin dunay pyansa nga mukabat ngadto sa Php200,000.00.
Sa pagkakaron ang nahisgutan nga dinakpan ang temporaryo nga nakakostodya sa Pagadian City Police Station custodial facility samtang nagpaabot kini sa commitment order nga gikan sa korte.
