Pagadian City – Naaresto sa otoridad ang wanted sa kasong murder nga taga-Pagadian dihang gikasa sa Police Operation alas 3:30 kagahapon didtong dapita sa Purok 4, Brgy.Catituan, Malangas, ZamboangaSibugay.
Ang Joint manhunt Operation gilangkuban sa tropa sa PNP Pagadian, kapulisan sa Malangas, ginsakpan 903rd Regional Mobile Force Battalion 9 ug Intelligence operative.
Giila ang naaresto nga si Genaro Malayan Fontanilla alyas Sadam,28 anyos ,minyo ug residente sa Purok Daisy, Brgy. Alegria ning Syudad.
Armado ang otoridad sa Warrant of Arrest batok sa suspek sa kasong pagpatay, nga gipagawas ni Judge Felix Rodriguez, Regional Trial Court, 9th Judicial Region Branch 18, Pagadian City.
Ang dinakpan gikustodiya na sa Malangas Municipal Police Station samtang naghulat sa sunod nga mando sa korte.
