Wanted sa kasong pagpanglugos nga mulupyo sa Tukuran, nadakpan sa Aurora

30

Aurora, Zamboanga del Sur – Balhin na sa presohan ang pinuy-anan sa usa ka pinangita sa balaod human kini ang nadakpan sa mga otoridad.
Alas 5:30 ang takna kagahapong adlawa gilusad sa mga kapulisan ang hiniusang operasyon nga gilangkoban sa mga personahi sa Tukuran MPS nga gipanguluhan ni PMSg Celso M Pilones Jr, ilalom sa pagdumala ni Pcpt Jubail Grar kauban ang mga elemento sa Aurora Municipal Police Station ug Ramon Magsaysay Municipal Police Station.
Didtung dapita sa Purok Alay Kapwa, Barangay Balide, Aurora, Zamboanga del Sur nadakpan ang suspek nga si Kevin Oberes Y Panogan, 19-anyos, ulitawo, residente sa Purok Gemelina, Barangay Balimbingan, Tukuran Zamboanga del Sur.
Giaresto si Panogan pinasikad sa gahom sa warrant of arrest sa kasong pagpanglugos ilalom sa Article 266-A nga may koneksyon sa Article 266-B sa Revise Penal Code nga giissue ni Hon. Jaime Belatcho Caberte, Presiding Judge, RTC 9th Judicial Region, Branch 22, Pagadian City pinitsahan atung October 12, 2021 dinukitan sa Criminal Case #15873-2k2.
Ang maong dinakpan ang nakakostodya na sa presohan sa Tukuran Municipal Police Station alang sa tukmang disposisyon.
Ang akusado ang wala na gitugutan sa korte nga maka-pyansa pa sa kantidad nga bugti sa iyang temporaryo nga kagawasan.

Facebook Comments