Tambulig, Zamboanga del Sur – Dakpan ang usa ka wanted person kagahapon sa alas 5:56 ang takna sa hapon sa Purok Manga, Brgy Riverside, Tambulig, Zamboanga del Sur. Kini human gikasa sa mga personahe sa Tambulig MPS, Zamboanga del Sur, CIDG Misamis Occidental PFU, Oroquieta CPS ug Misamis Occ. PIB ang operasyon batok sa pinangita sa balaod.
Ang operasyon miresulta sa pagka aresto sa usa ka JAEPOL HALINA DELGADO alyas “JEAPOL JALINA DELGADO”, 29 anyos, minyo, usa ka OFW ug residente sa nasangpit nga lugar.
Ang pagdakop sa akusado pinasikad sa gahum sa warrant of arrest sa krimen nga paglapas sa Sec. 11 sa RA 9165 nga adunay criminal case number 1467 penetsahan niadtong Hunyo 14, 2015 ug adunay pyansa nga mobalor sa 200 mil pesos ; paglapas sa section 12 sa RA 9165 nga gipagawas ni NORA V. MONTEJO, Presiding Judge sa RTC 10th Judicial Region, Branch 14, Oroquieta City, adunay CC# 1468 kaniadtong Hunyo 9, 2015 ug adunay pyansa nga mobalor ug 6 mil pesos.
Ug ang krimen nga Pagpatay nga adunay CC# 2280 penetsahan niadtong Septembre 14, 2015 nga gi issue ni ALMA V AZANZA, Presiding Judge sa RTC 10th Judicial Region, Branch 12, Oroquieta City ug wala kini girekomendar nga pyansa.
Ang dinakpan anaa na sa kustodiya sa Oroquieta CPS, Oroquieta City, Mis. Occ. alang sa tukmang disposisyon.
