La Libertad – Arestado ang usa ka wanted person nga dunay giatubang nga kaso human nagpahigayon sa hiniusang manhunt operation ang kapolisan sa La Libertad uban ang personahe sa CIDG Zanorte didto sa Purok II, Brgy. New Carcar, lungsod sa La Libertad, ning lalawigan sa Zamboanga del Norte, pasado alas 2:00 sa niaging hapon.
Ang dinakpan giila sa kapolisan nga mao si Duran Serda Bonnivie, 32 anyos, usa ka minyo og lumulupyo sa maong dapit.
Si Bonnivie giaresto kini sa mga operatiba, subay sa warrant of arrest nga gi-isyu ni Hon. Rogelio D. Laquihon ang Presiding Judge sa RTC, 9th Judicial Region, Branch 7 bulwagan ng katarungan dakbayan sa Dipolog tungod sa kasong Rape through Sexual Assault nga pinitsahan pa niadtong February 23, 2018.
Ang dinakpan ang naka-detained na karon sa selda sa La Libertad MPS og temporaryong makabaton sa iyang kagawasan kon makasitar sa piyansa girokomendar sa korte nga mokabat sa 200 mil ka pesos.
