Davao City – Arestado ang usa ka wanted person alas 7:30 sa kabuntagon kagahapong adlawa, Abril 27, pinaagi sa anti-criminality operation nga gilusad sa kapulisan sa Malita.
Ang dinakpan giila nga si Leoncio Robles, 61 anyos, minyo, mag-uuma, ug residente sa Brgy. Tubalan, Malita, Davao Occidental.
Base sa report sa PRO-XI, nasikop si Robles sulod sa iyang panimalay pinaagi sa warrant of arrest nga pinirmahan ni Cartelita Cadiente-Flores, presiding judge sa RTC 11, Branch 61, Digos City, sa kasong Quallified Theft.
Ang naasoy temporaryong gikustodiya sa Malita Municipal Police Station alang sa tamang disposisyon.
RadyoMaN Jason Amisola
Facebook Comments
