Nag-ipon og puwersa ang tropa sa kapulisan sa lungsod sa Lapuyan ug Iligan PNP aron pagserve sa warrant of arrest batok sa usa ka babaye nga nakalapas sa Akta Republika 9165 kun Comprehensive Dangerous Drugs Act of 2002.
Alas 2:42 kagahapon sa hapon gironda sa otoridad ang gipuy-an sa suspek nga siLyzette Tabada, 35 anyos kasamtangan nga nagpuyo sa Brgy. Camagui, Iligan City apan lumad nga taga Brgy. Poblacion, Lapuyan ning probinsya.
Armado ang kapulisan sa Warrant of Arrest nga pinirmahan ni Judge Ruben Bance sa RTC Branch 29,San Miguel, Zamboanga del Sur nga adunay pyansa nga mobalor sa P200 mil ka pesos alang sa temporayo nga kagawasan.
Ang dinakpan kasamtangan nga gikustodiya na sa Lapuyan Municipal Police Station Lock-up samtang naghulat sa sunod nga mando nga ipagawas sa korte.
