Pagadian City – Human ang pagtago-tago sulod sa usa ka tuig hingpit na nga nadakpan sa kapulisan ang wanted kasong pagpatay dihang gilusad ang joint police operation alas 8:30 kagabii didtong dapita sa Purok 1,Brgy. San Isidro, Lala, Lanao del Norte.
Gipaslak na sa selda sa Lala Municipal Police Station ang dinakpan nga si Glenn Quiamzon Irog-Irog, 22 anyos ,mag-uuma ug residente sa Brgy. Bulawan ning syudad sa Pagadian.
Wala na makalugnot ang suspek dihang gipusasan dungan ang pagbasa sa Warrant Of Arrest sa kasong Murder nga gipagawas ni Judge Dennis Vicoy, sa Regional Trial Court, 9th Judicial Region, Branch 20, Pagadian.
Ang malampuson nga joint police operation gilangkuban sa tropa sa kapulisan sa Pagadian ug elemento sa Lala, PNP.
