Wanted sa Ramon Magsaysay nadakpan sa syudad sa Osamis

22

Osamis City – Nag-ipon og pwersa ang tropa sa Ramon Magsaysay Municipal Police Station nga gipangunahan ni PMAJ Harold Bruno, Ozamis City Police Station sa pagpanguna ni PMAJ Peter Ryan Revillas, 2nd Provincial Mobile Force Company, Missamis Occidental pinaagi ni PLTC Gilbert Mijares Rollen ug 1st Zambo Sur Provincial Mobile Force Company pinaagi ni PCpl Ronald Zeros dihang gikasa ang operasyon sa Purok 2, Barangay Sta. Cruz, Ozamis City alas 6:50 kagabii.
Wala na maka-ipsot sa kamot sa otoridad ang target nga si Allan Bayson Baldecantos, 45 -anyos, ulitawo, taga-Purok 2, Brgy. Sta. Cruz, Ozamis City. Nasuta nga pinaagi sa joint intelligence sa gihimong manhunt operation natultulan ang pinuy-anan sa target busa largo kining gisilbihan sa Warrant of Arrest sa kasong Presidential Decree 533 (Anti-Cattle Rustling Law) o pagpangawat og baka nga gipagawas sa sala ni Judge Analyn Ramas Costanilla, Presiding Judge of RTC, 9th Judicial Region, Branch 30, Aurora, Zamboanga del Sur pinitsahan June 2, 2020.

Facebook Comments