Davao City – Wala na makaikyas pa ang usa ka top 1 wanted person sa kasong rape ug 2 counts sa kasong child abuse, human kini naaresto sa Baguio Police Station, uban ang Sta. Cruz Municipal Police Station (MPS) ug Task Force Davao (TFD), niadtong Huwebes (November 11, 2021) sa Barangay Malagos, Baguio District, Davao City.
Sa interbyu sa DXDC RMN Davao kang Police Major Crisaldo Gaila, Chief of Police (COP) sa Sta. Cruz MPS, giila ang suspek nga si Michael Lee Panggilan Baon, 42-anyos, minyo, lumad sa Coronon, Sta. Cruz, Davao del Sur ug kasamtangang nagpuyo sa Campo Uno, Purok 1C, Talomo River, Calinan District, Davao City.
Matud ni Gaila nga posibleng misibat sa Sta. Cruz ang naasoy nga top 1 wanted (municipal level), ug dinhi na sa Davao City nasilbi ang warrant of arrest batok sa suspetsado human nga aduna usay naka-report labot sa iyang presensya.
“Naay naka-report nga concern didto sa ilang area. Mao ‘to among gi-verify sa among record, kung naa ba ang pangalan nga kuan nga ingona ana, naa bay warrant. So, nigawas man nga naa siyay warrant, naa siyay kaso. Sa makadaghang higayon na siya giadtoan didto. So finally, nakuha ra gyud namo,” saysay ni Gaila.
Adunay bail bond nga P360,000 ang 2 counts sa kasong child abuse o Republic Act (RA) 7610. Samtang, no bail recommended ang kasong rape (RA 8353).
Gi-congratulate usab ni Colonel Darren Comia, TFD Commander ang maong kalampusan sa kasundalohan ug kapulisan ug gipasalamatan ang suporta sa City Government of Davao sa pagpalapad pa sa security coverage sa syudad sa Davao.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
