Davao City – Walay girekomendang pyansa ang kasong giatubang sa usa ka lalaki nga nadakpan pinaagi sa warrant of arrest sa Barangay Carmen, Boston, Davao Oriental alas 9:30 sa gabii, July 31, 2023.
Sa interbyu sa DXDC RMN Davao sa Boston Municipal Police Station (MPS), giila ang suspek nga si Jerome Castro, 37 anyos, residente sa maong lugar ug gikonsiderang most wanted person sa kasong Robbery with Homicide didto sa Bukidnon.
Atol sa operasyon, nakuhaan usab ang dinakpan og usa ka sachet sa gituohang shabu nga mukantidad og P2,000.
Gawas sa iyang giatubang kaso, mag-atubang usab kini sa paglapas sa Republic Act 9165 kun Comprehensive Dangerous Drugs Act of 2002.
Padayon ang panawagan sa awtoridad sa publiko sa pag-report sa mga indibidwal nga nalambigit sa iligal nga aktibida sa ilang komunidad.
RadyoMaN Kirby Manzon
Facebook Comments
