Sibuco, ZDN-Wala na madala sa prisohan ang usa ka wanted sa lungsod sa Sibuco, kun dili didto na hinuon sa punerarya gidala ang usa ka wanted human kini namatay sa gihimong pag aresto sa PNP Sibuco didto sa Zamboanga wharf area.
Ang maong pinangita sa balaod nailang si Nelson Sacay alyas Burut, 39 anyos taga brgy. Basak Sibuco, ZDN ug usa ka top 1 MWP sa Sibuco PNP.
Ang mao nga indibidwal adunay tanggong nga warrant of arrest sa RTC 9 Br. 27 sa kasong Murder ug Frustrated Murder.
Kahibaloan kini nga wanted gikan sa probinsya sa Basilan padulong kini sa dakbayan sa Zamboanga, hinungdan nga gi atangan kini sa Sibuco PNP uban sa Zamboanga City PNP sa pantalan.
Didto positibo nga nanaog sa barko si Nelson, dali kining gi aresto apan unsang pagka-unsaa nga gi atake man hinuon sa kasing-kasing niadtong higayona.
Daling gidala sa balay tambalanan, pipila ka oras ang milabay gikutloan ra usab kini sa iyang hinulamang kinabuhi.
