Tugpa sa prisohan ang usa ka wanted human kini nasikopsa gihimong hiniusang operasyon sa kapulisan sa Titay ug kapulisan sa kalawit didto sa Purok Ipil-Ipil, Brgy Poblacion, Titay, Zamboanga Sibugay sa miaging adlaw.
Ang dinakpan mao si Mamerto S. Castillo, residente ra usab sa mao nga barangay.
Kini si Mamerto aduna kini warrant gikan sa RTC9, br. 28, 9th judicial Region tungod sa kasong frustrated murder. Moabot sa 120mil, ang pyansa alang sa iyang temporaryong kagawasan.
Samtang padayon ang hugot nga pagpatuman ug mga checkpoint sa kapulisan ning probinsya lakip na usab ang pag inspeksyon sa mga pampasaherong bus diha sa mga terminal ilabi na nagsugod na ang SumVac 2019.
Kini aron masiguro nga luwas ang mga sumasakay padulong sa ilang tagsa-tagsa ka mga pinuy-anan.
