TALISAY CITY, NEGROS OCCIDENTAL – Indi kaangay sang iban nga mga girl nga bag ukon sapatos ang hilig, shabu naman ang ginsaku-an sang duha ka mga suspek nga babayi, rason ini sila ginpang dakup.
Ginpatigayon sang Talisay City Police Station ang buy bust operation mg alas 5:45 kahapon sang hapon sa Bonifacio St., Barangay Zone 4 sa ciudad sang Talisay.
Nakilala ang mga suspek nga sanday Jean delos Reyes, legal ang edad, married kag pumuluyo sang Zone 3, Talisay subong man si Ma. Lilibeth Malan, pumuluyo naman sang Brgy. Concepcion, Talisay.
Suno sa pulis, nakuha sa possession ni Delos Reyes ang isa ka sachet sang suspected shabu bilang buy bust item lakip na ang pito ka iban pa gid nga sachet sang ginapatihan shabu.
Samtang, nakuha naman kay Malan ang 2 ka sachet sang gina-suspetsuhan shabu kag isa ka improvised tooter.
Sa karon ang duha ka mga babayi ang detained na sa custodial facility sang Talisay City Police Station./dyHB BACOLOD
