Manila, Philippines – Arestado ang isang 37 anyos na lalaki makaraang mahulian ng shabu sa Sta. Mesa, Maynila.
Kinilala ni PO1 Mark Pineda at PO2 Joselito dela Cruz na nanguna sa buy-bust operation, ang suspek na si Joey Cinag isang electrician at residente ng Kayumito St., Sta.Mesa.
Narekober sa suspek ang dalawang piraso ng plastic sachet na naglalaman ng shabu. Nakapiit na ngayon ang suspek sa Sta. Mesa Police Station (PS-8).
Samantala, nadakip din ang isang Rain Armenio, 34 anyos ng operatiba ng Pnadacan Police Station (PS-10) sa ikinasa nilang Anti-Criminality Campaign.
Narekober sa suspek ang tatlong piraso ng plastic sachet na naglalaman ng shabu.
Paglabag din sa RA 9165 o Comprehensive Dangerous Drug Act of 2002 ang kasong inihahanda laban sa mga suspek.
