WAR ON DRUGS | 3 ka persona, dakop sa drug buy bust operation; 21 ka sachet sang suspected shabu, nakuha sa mga suspek

Roxas City, Capiz – Arestado sa ginpatigayon nga drug buy bust operation sang Station Drug Enforcement Team sang Roxas City PNP ang tatlo ka mga persona sa Sitio Casandra, Barangay Punta Tabuc, Roxas City 10:30 ang takna kagab-i. Ginkilala ang mga nadakpan nga sanday Elton Alavarez y Barredo 21 anyos, Roy De Jose y Flores 22 anyos, lunsay residente sang Brgy. Punta Tabuc, Roxas City kag Michael Fines 25 anyos, sang Brgy. Tanque, Roxas City.
Narekober sa mga suspek ang 21 tanan ka sachets sang suspected shabu nga ginabulubanta nagabalor sang P600, 000, marked money nga P3, 000, isa ka unit sang cellphone, kag iban pa nga drug paraphernalia. Nahibaluan nga Newly Identified Drug Personalities ang nasambit nga mga suspek.
Sa karon, nakahunong na sa karsel sang Roxas City Police Station ang mga suspek kag natalana nga pasakaan sang kaso nga paglapas sa Republic Act 9165 ukon Comprehensive Dangerous Drugs Act of 2002. Ang madinalag-on nga drug buy bust operation ang ginpamunuan ni PSUPT Dante S Tayco, hepe sang Roxas City PNP.

Facebook Comments