Roxas City, Capiz- Arestado ang duha ka mga persona sa ginkasa nga buy bust operation sang mga katapo sang Provincial Drug Enforcement Unit(PDEU) sang Capiz Police Provincial Office sa Barangay 7, Roxas City.
Ginkilala ang mga subject person amu kanday Khen Flores, 27-anyos sang Poblacion Tacas, Cuartero kag Raymart Galvez, 24-anyos sang Brgy Nagba, Cuartero, Capiz kun sa diin nakuha sa paghinakop sang mga ini ang walo tanan ka sachet sang suspected shabu, isa ka libo ka pesos nga buy bust money, motorsiklo kag duha ka unit sang cellphone nga ginapanag-iyahan sang mga ini.
Sa interview sang news team kay Khen Flores, hugot sini nga ginpanindugan nga may yara sang magabayad sa ila sang utang apang ginkakibot sini nga sila na ang gindakop sang mga kapulisan.
Ang amu nga mga persona ang natalana nga pasakaan sang kaso nga paglapas sa RA 9165 ukon Comprehensive Dangerous Drugs Act of 2002.
